Despois dun ano sen noticias, unha chamada da Fiscalía anuncia á narradora que, finalmente, a súa denuncia por abuso sexual foi elevada a xuízo. Esa mañá invernal comeza para ela outro duro proceso: atopar representación legal, entender as lóxicas burocráticas da xustiza, tecer redes de apoio para afrontar a causa contra o seu tío, un comisario poderoso, e reunir coraxe para reabrir un expediente que conduce ao pasado familiar.